استخدام الخدمة
سي في بوينت بيوفّر أدوات لإنشاء السير الذاتية وخطابات التقديم للاستخدام الشخصي. ممنوع استخدام الموقع في أي غرض غير قانوني أو لإنشاء مستندات مزيفة أو مضللة.
المحتوى بتاعك
المحتوى اللي بتكتبه ملكك بالكامل، وأنت مسؤول عن صحته. الأمثلة والنصوص الجاهزة على الموقع للاسترشاد، ولازم تعدّلها علشان تعبّر عن خبرتك الحقيقية.
حفظ البيانات
لو مسجّل دخول، مستنداتك بتتحفظ في حسابك. من غير تسجيل دخول بتتحفظ على جهازك بس، وإحنا مش مسؤولين عن فقدها لو اتمسحت بيانات المتصفح.
الخطط والدفع
كل الأدوات متاحة للتجربة على الخطة المجانية. تحميل السيرة اللي فيها كتابة من أدوات الذكاء الاصطناعي بتاعة الموقع، وتحميل Word وخطاب التقديم ورابط المشاركة، متاحين حسب الخطة المدفوعة الموضّحة في صفحة الأسعار. الأسعار بالجنيه المصري وشاملة الضرائب، والدفع عن طريق Paymob.
التجديد التلقائي: الاشتراك بالكارت بيتجدد تلقائيًا كل 30 يوم بنفس السعر لحد ما تلغيه. تقدر تلغي التجديد في أي وقت من صفحة حسابك، وخطتك بتفضل شغالة لآخر الفترة اللي دفعتها، ومش هيتخصم منك تاني. الدفع بالمحفظة أو Apple Pay أو كاش في فرع بيفعّل الخطة 30 يوم من غير تجديد.
بعد انتهاء الخطة: بترجع للخطة المجانية. سيرك ومستنداتك بتفضل محفوظة، لكن تحميل اللي فيه كتابة بالذكاء الاصطناعي محتاج اشتراك تاني أو إنك ترجّع تعديلات الذكاء الاصطناعي.
الاسترداد: لو اتخصم منك مبلغ بالغلط أو مرتين، كلّمنا من صفحة تواصل معنا خلال 14 يوم وهنرجّعه.
إخلاء المسؤولية
الخدمة مقدّمة "كما هي". بنبذل جهدنا علشان الأدوات تشتغل كويس، لكن ما نقدرش نضمن الحصول على وظيفة أو نتيجة معينة في أنظمة الفرز.
التعديلات
ممكن نحدّث الشروط دي من وقت للتاني، والنسخة المنشورة هنا هي النسخة المعمول بيها.