معظم الناس بتدوّر على شغل من الموبايل، ومش كل حد عنده كمبيوتر جنبه. الخبر الحلو إنك تقدر تعمل CV كامل من الموبايل وتحمّله PDF، من غير ما تنزّل أي برنامج.
١. افتح منشئ السيرة من المتصفح
افتح منشئ السيرة الذاتية من Chrome أو Safari. مفيش تطبيق تنزّله، والصفحة متظبطة لشاشة الموبايل.
٢. اختار طريقة البداية
- اكتبهالي بالذكاء الاصطناعي: تجاوب على كام سؤال بكلامك العادي (أو بالصوت من زرار الميكروفون)، والسيرة تتكتب لك كاملة. أسرع طريقة على الموبايل.
- ارفع سيرتك القديمة: لو عندك CV قديم PDF أو Word أو حتى صورة، بنقراه ونرتّبه في قالب جديد.
- ابدأ من مثال جاهز: سيرة مكتوبة لمجالك وانت تغيّر البيانات.
٣. كمّل البيانات المهمة
اتأكد إن فيه: اسمك، المسمى الوظيفي، رقم التليفون، الإيميل، والمدينة. رقم التليفون أهم حاجة، لأن صاحب الشغل هيكلمك عليه. لو نسيته، هنفكّرك قبل التحميل.
٤. شوف المعاينة واختار القالب
دوس "معاينة وتحميل" وشوف شكل السيرة. من "اختيار القالب" تقدر تجرّب أكتر من شكل، وكلهم متوافقين مع أنظمة الفرز (ATS).
٥. حمّل PDF
دوس "تحميل PDF" والملف هيتحفظ في التنزيلات على موبايلك، وتقدر تبعته واتساب أو إيميل أو ترفعه على مواقع التوظيف.
التحميل PDF مجاني للسيرة اللي كتبتها بنفسك. لو استخدمت كتابة الذكاء الاصطناعي، تقدر برضه تحمّلها ببلاش وفي آخر الصفحة سطر صغير "تم إنشاء هذه السيرة باستخدام cvpoint.ai"، ولو عايز تشيله فيه اشتراك من 50 ج.م في الشهر.
نصايح للكتابة على الموبايل
- استخدم الميكروفون في خانات الوصف الطويلة بدل الكتابة.
- اكتب كل مهمة في سطر لوحدها، وابدأها بفعل: "أعددت"، "حققت"، "أدرت".
- سيرتك بتتحفظ لوحدها، فلو قفلت الصفحة وفتحتها تاني هتلاقي شغلك زي ما هو. ولو سجّلت دخول بتتحفظ في حسابك وتفتحها من أي جهاز.
- قبل ما تبعت، افتح الـ PDF واتأكد إن مفيش كلام مقطوع أو بيانات المثال.
جاهز؟ اعمل سيرتك من الموبايل دلوقتي، أو شوف نماذج سيرة ذاتية جاهزة لمجالك الأول.